Агентот Брајан ЛеБланк вели дека Шукријумах се верува дека е во постојан контакт со Осама бин Ладен и со други виши лидери на Ал-Каида
Асошиејтед Прес јави дека лице кое живеело во САД повеќе од 15 години сега е шеф на Ал-Каида за глобалните операции.
АП објави дека агент на ФБИ во ексклузивно интервју кажал дека 35-годишниот Аднан Шукријумах ја преземел функцијата што останала испразнета по апсењето на Калид Шеик Мохамед во 2003-та - еден од планерите на терористичките напади од 11-ти септември 2001-ва.
Агентот Брајан ЛеБланк вели дека Шукријумах се верува дека е во постојан контакт со Осама бин Ладен и со други виши лидери на Ал-Каида.
Тој рече дека Шукријумах бил наводно осмислувач во случајот на тројца осомничени за планирање напади во метрото во Њујорк во 2009-та. Тој е исто така осомничен за учество во заговор на потенцијални напади во Норвешка и во Британија.