Извршниот директор на Бритиш петролеум (БП) Тони Хејвард вели дека чувствува „голем дел од одговорноста“ за обемното нафтено излевање во Мексиканскиот Залив, како и дека е прерано да се каже што точно ја предизвикало катастрофата.
Членовите на поткомисија на Претставничкиот дом на распит четвртокот го испрашуваа Хејвард за процедурите на БП во дупчењето и изградбата на подводниот извор од кој сега се излеваат илјадници барели нафта дневно.
Конгресмените, меѓу кои и претседавачот на поткомисијата Барт Ступак, ја обвинија компанијата дека презела опасни постапки, само за да заштеди во време и пари.
Но, Хејвард на неколкупати подвлече дека не бил вклучен во донесувањето на такви одлуки, како и дека ги очекува резултатите од сопствената истрага на БП за експлозијата и потонувањето на платформата за подводно дупчење на 20-ти април.
Конгресменот Хенри Ваксман го обвини Хејвард дека не соработува со поткомисијата, а Хајвард негираше.