Сан Антонио убедливо подобар во плеј-оф серијата со 4:0. Понатаму оди и шампионот Мајами.
Сан Антонио го збриша некогашниот шампион Лос Анџелес Лејкерс со 4:0 во серијата „најдобар од седум“ во плеј-оф натпреварите од Западната конференција на НБА. Натпреварот заврши со 103-82, а најдобар кај Спарс беше ветеранот Тони Паркер со 23 поени и 4 асистенции. Поради повреда, за Лејкерс не настапи најдобриот играч Коби Брајант.
Иста судбина го снајде и Милвоки. Актуелниот шампион Мајами не им дозволи ниту една победа и ги декласираше со 88-77 во последниот натпревар. Ѕвездата Леброн Џејмс најпрецизен на мечот со 30 поени, а имаше и 8 скокови.
Во преостанатите два синоќешни дуела, Бостон со победа во продолжение од пет минути успеа да избегне елиминација со победата против Њујорк од 97-90. Сепак, Никс водат со 3:1, а следниот меч се игра во Медисон сквер гарден во Њујорк. Голден стејт, пак беше поуспешен од Денвер со 115-101, со што „Воините“ поведоа со 3:1.
Вечерва играат Индијана - Атланта, Оклахома - Хјустон, а најинтересен е двобојот Чикаго - Бруклин. Чикаго води со 3:1 и има шанса да ја елиминира екипата предводена од Дерон Вилијамс, кој на последниот натпревар уфрли 32 коша, но сепак недоволни за триумф по дури три продолженија од по пет минути.
Иста судбина го снајде и Милвоки. Актуелниот шампион Мајами не им дозволи ниту една победа и ги декласираше со 88-77 во последниот натпревар. Ѕвездата Леброн Џејмс најпрецизен на мечот со 30 поени, а имаше и 8 скокови.
Во преостанатите два синоќешни дуела, Бостон со победа во продолжение од пет минути успеа да избегне елиминација со победата против Њујорк од 97-90. Сепак, Никс водат со 3:1, а следниот меч се игра во Медисон сквер гарден во Њујорк. Голден стејт, пак беше поуспешен од Денвер со 115-101, со што „Воините“ поведоа со 3:1.
Вечерва играат Индијана - Атланта, Оклахома - Хјустон, а најинтересен е двобојот Чикаго - Бруклин. Чикаго води со 3:1 и има шанса да ја елиминира екипата предводена од Дерон Вилијамс, кој на последниот натпревар уфрли 32 коша, но сепак недоволни за триумф по дури три продолженија од по пет минути.