Нов извештај на меѓународната непрофитна организација „Глобален интегритет“ покажува дека корупцијата во Египет и насекаде во арапскиот свет се зголемила воочи неодамнешните востанија во регионот.
Во денеска објавената проценка на групата, се наведува дека анти-корупциските и транспарентни мерки во Египет од 2006-та се намалувале и ставале зголемен притисок врз и онаканестабиланата влада во земјата.
Во извештајот стои дека Мароко, Јемен и Западниот брег искусиле слични предизвици, со ограничувања за независните медиуми, принудувајќи обелоденување на имотите на политичките лидери и ефикасен увид во работата на владините агенции и програми.
Извршниот директор на Глобален интегритет Натаниел Хелер истакна дека со ретки исклучоци Средниот Исток и Северна Африка се, како што ги нарече, „црни дупки“, кога станува збор за солидно владеење.
Во извештајот исто така се вели дека многу земји во источна и централна Европа постојано имале тешкотии во остварувањето на анти-корупциска и политика на транспарентност и покрај нивното членство во ЕУ и НАТО.