Гренланд е ставен во меѓународното внимание. Огромната арктичка територија е самоуправна, но ѝ припаѓа на Данска.
Новоизбраниот американски претседател Доналд Трамп одби да ја исклучи воената сила или економските мерки за да се побара контрола на територијата - неопходни, според неговите зборови, за заштита на слободниот свет.
Кремљ го даде овој одговор:
„Ние го следиме овој драматичен развој на ситуацијата. Арктичката зона е зона на нашите национални и стратешки интереси. Присутни сме во зоната на Арктикот и ќе продолжиме да бидеме таму”, изјави портапоролот на Кремљ, Дмитри Песков.
Климатските промени отвораат нови бродски рути и пристап до вредни ресурси, вели Лиана Фикс од Советот за надворешни односи.
„Сè повеќе се претвора во милитаризирана зона, каде што не само арктичките соседи имаат пристап — тоа е руската позиција која првично ја претпоставија, но сега исто така соработуваат и со кинеските крајбрежни стражи. Арктичката зона сè повеќе станува зона на конкуренција и ривалство меѓу големите сили и САД се загрижени дека ја губат оваа игра”, вели Фикс.
Данска вели дека Гренланд не е на продажба – но е отворена за подлабока соработка со Соединетите Американски Држави.
„Гледам претседател кој е на пат кон Белата куќа, кој има зголемен фокус на Арктикот и можам да разберам зошто тоа го има. Тоа го имаме и од данска страна, а го имаме и во НАТО”, изјави данската министерка за надворешни работи Ларс Локе Расмусен.
Други европски лидери ги отфрлија коментарите на Трамп.
„Не доаѓа предвид Европската унија да дозволи која било држава во светот, која и да е – почнувајќи од Русија - да ги дефинира нејзините суверени граници”, нагласи францускиот министер за надворешни работи Жан-Ноел Баро.
„Принципот на неповредливост на границите се применува на секоја земја, без разлика дали е на исток или запад од нас”, беше категоричен германскиот канцелар Олаф Шолц.
Владата на Гренланд, во меѓувреме, се залага за референдум за целосна независност - и вели дека само нејзиниот народ ќе одлучува за иднината на Гренланд.