Многу индиски држави ги ублажија ограничувањата почнувајќи од вторник, дозволувајќи им на повеќе бизниси повторно да се отворат за да се намалат економските последици предизвикани од коронавирусот, и покрај тоа што бројот на нови инфекции дневно во државата останува меѓу највисоки во светот, а досега се потврдени близу 3,7 милиони случаи.
Еден ден претходно, владата објави дека економијата се намалила за 23,9% во кварталот април-јуни, што е најлош учинок во последните 24 години.
Невработеноста расте, а милиони остануваат без работа.
Надевајќи се да избегне поголема економска штета, Индија постепено ги релаксира ограничувањата и најави дека урбаните метро возови можат да продолжат со работа следниот понеделник.
Индија денеска регистрираше 69.921 нови инфекции со коронавирус. Повеќе од 65.000 луѓе починаа.