Американскиот секретар за одбрана Чак Хегел ја напушта функцијата по две години во администрацијата.
Њујорк Тајмс прв објави во понеделникот дека оставката доаѓа „под притисок“ цитирајќи високи претставници на администрацијата.
Хегел даде заклетва како шеф на одбраната во февруари 2013-та.
Армискиот ветеран служел во Виетнам пред да работи во јавниот и приватниот сектар. Избран беше за сенатор во 1996-та, претставувајќи ја државата Небраска до 2009-та.
Американскиот претседател Барак Обама се очекува за ова да зборува подоцна во денот.