Белата куќа повика на претпазливост денес во врска со анкетите кои покажуваат дека демократскиот претседател Џо Бајден заостанува зад водечкиот републикански кандидат Доналд Трамп.
Анкетата на Њујорк тајмс/Сиена во неделата покажа дека Бајден заостанува зад Трамп во пет од шест сојузни држави, на една година до претседателските избори во ноември 2024 година.
„Ќе има многу анкети таму“, рече портпаролката на Белата куќа Карин Жан-Пјер на новинарите кога беше прашана за нив.
Таа рече дека тие треба да се земат со резерва и да се вратат на анкетите кои покажуваа дека републиканецот Мит Ромни го води тогашниот демократски претседател Барак Обама пред изборите во 2012 година, на кои победи Обама.
Таа, исто така, потсети како републиканците очекуваа да победат големо на среднорочните конгресни избори во 2022 година, а потоа забележаа поскромни резултати, а демократите ја задржаа власта во Сенатот, додека републиканците добија само мало мнозинство во Претставничкиот дом.
Анкетата на Њујорк тајмс покажа дека Бајден е зад Трамп во Невада, Џорџија, Аризона, Мичиген и Пенсилванија, а Бајден пред Трамп во Висконсин.
Исходот во сите шест сојузни држави ќе помогне да се одреди кој ќе победи на претседателските избори.