Пакистански официјални лица соопштија дека бомбаш-самоубиец се разнел среде религиозна поворка на шиитските Муслимани во јужниот град Карачи при што се убиени 20 лица, а повредени десетици.
Официјални лица велат дека бомбашот се разнел меѓу верниците кои го славеле светиот фестивал Ашура во главната трговска метропола во земјата.
Бомбашкиот напад во Карачи е втор голем напад врз шиитските Муслимани, малцинство во Пакистан, во последниве два дена. Бомбаш-самоубиец во џамија на Шиитите во делот на Кашмир кој е под контрола на Пакистан, уби најмалку 10 лица, и повреди повеќе од 80.
Властите ги зајакнаа безбедносните мерки ширум земјата за време на одржувањето на фестивалот Ашура, кој честопати се совпаѓа со почетокот на бранот секташко насилство.
