Република Македонија доби препорака за почеток на преговорите. ЕК смета дека државата доволно ги исполнува сегашните критериуми и тоа и` овозможи на Комисијата да даде препорака за отворање на пристапни преговори.
„Верувам дека Владата во Скопје ќе го сфати ова како многу силен поттик и охрабрување за конечно да го реши проблемот со името што постои веќе 18 години", изјави на прес-конференција во Брисел комесарот за проширување на ЕУ Оли Рен.
ЕК во својот годишен извештај за напредокот на Македонија во европските интеграции препознава сериозен реформски напредок во земјата, но упатува и на низа критики што не смеат да се игнорираат. Меѓу најважните се законот против дискриминација и, генерално, односот кон хомосексуалците и ромското малцинство. ЕК е загрижена и за инцидентите што се случија во Струга во средното училиште „Нико Нестор" и етничките смени во глобала. Се бара и имплементација на законот за јавна администрација. Се упатуваат остри забелешки за слободата на медиумите, за владините реклами, за тесната поврзаност на медиумските сопственици со политичките структури и се истакнува дека сите овие фактори доведуваат до новинарска самоцензура и ограничување на слободата на ограничување.
Македонскиот премиер Никола Груевски ја поздрави одлуката на ЕК да препорача почеток на преговори.
„Остануваме посветени на реформите за постигнување на зацртаната цел, а извештајот ќе биде патоказ за идните чекори", изјави Груевски.