Американскиот претседател Барак Обама го прими колумбискиот претседател Алваро Урибе во Белата куќа на разговори на кои се очекува да стане збор за трговијата, војната против трговците со дрога и политичката состојба во Хондурас.
Денешната средба доаѓа само еден ден откако претседателот на Хондурас Хозе Мануел Зелаја беше сменет од власта. Обама и Урибе ќе разговараат за последиците од кризата и влијанието врз ситуацијата во соседните земји во Јужна Америка.
Белата куќа соопшти дека двајцата претседатели ќе дискутираат за Договорот за слободна трговија меѓу САД и Коломбија, како и за безбедносните придобивки во земјата, каде владата со децении е инволвирана во војна со левичарските бунтовници и десничарските паравојски.
Многумина американски демократи, вклучувајќи го и претседателот Обама, соопштија дека се противат на договорот за слободна трговија поради честопати критикуваното досие на Коломбија во однос на почитувањето на човековите права и насилството против трудовите активисти.