Американската влада реши да му додели уште 30 милијарди долари на осигурителниот гигант Американс интернешенал груп – АИГ. Компанијата денес објави дека во четвртиот квартал на минатата година загубила 60 милијарди долари - најголема досега во историјата на корпорациите - и покрај претходната владина помош од 150 милијарди долари. Компанијата западна во проблеми минатата година поради загубите во инвестициите поврзани со пазарот на домување.
