Анкетите во Њу Хемпшир пред гласањето на републиканска страна даваа мала предност на сенаторот Џон Мекејн пред поранешниот гувернер на Масачусетс Мит Ромни. Мекејн во кампањата подвлекуваше дека е најдобриот кандидат да се спротистави на радикалниот ислам. Поранешниот гувернер на Арканзас Мајк Хакаби, кој победи на минатонеделното гласање во Ајова, според анкетите е на трето место.
Кај демократите, судејќи повторно според испитувањата на јавното мислење, во значителна предност е сенаторот Барак Обама пред сенаторката Хилари Клинтон и останатите кандидати. Бројна група луѓе бурно го поздрави Обама за време на вчерашната кампања, но тој ги предупреди симпатизерите да не избрзуваат со проценките дека битката е добиена.
Во Њу Хемпшир кандидатите особено водат битка за независните гласачи, кои сочинуваат 40 проценти од гласачкото тело на оваа сојузна држава.
Процесот на прелиминарни избори по сојузни држави ќе кулминира со републиканските и демократски национални конвенции на кои и ќе бидат истакнати партиските кандидати кои ќе се соочат на директните претседателски избори што ќе се одржат во ноември годинава.