Претседателот ќе ја слушне проценката на секој член од Здружениот генерал штаб како и од Секретарот за одбрана Роберт Гејтс. Претставници на Пентагон велат дека лидерите на секоја од поголемите армиски гранки, Армијата, Морнарицата, Воздухопловството и Маринците, на претседателот ќе му дадат реални препораки и оценка. Новинските извештаи велат дека генералите ќе изразат загриженост дека сегашното ниво од 160 илјади американски трупи во Ирак ќе создаде тешкоти за армијата, особено ако продолжи и следната година.
Во друг развој, весникот Њујорк Тајмс вели дека независна комисија ќе предложи преуредување на ирачките 26-илјади безбедносни сили, за да се ослободат од корумпираните офицери и шиитски милитанти за кои се сомнева дека учествувале во секташки убиства.
