Мерката предвидува програма за привремени работници, посебен план за намените работници во земјоделството, и современа технологија за да се утврди дали работниците се во САД легално.
Таа е најдобриот начин да се осигураат границите на САД, смета сенаторот-демократ Тед Кенеди.
-Има широка согласност – да се удвои бројот на граничари, да се зголеми бројот на инспектори, и да се преземат мерки против шверцерите и вработувачите на илегални имигранти - широк консензус дека на 12-те милиони недокументирани работници во САД треба да им се даде шанса да заслужат легален статус.
Мерката ја поздрави и претседателот Буш.
-Ќе помогне да се обезбедат границите, и, што е подеднакво важно, да се постапува со респект кон луѓето. Мерка со која тие ќе бидат третирани без амнестија, но и без непријателство.
Со неа илегалните имигранти имаат можност да се пријават за виза, и, откако ќе платат давачки и казна, да влезат во процедура за постојан легален статус.
Републиканскиот сенатор Арлин Спектер нагласува дека програмата за привремени работници ќе биде воспоставена само откако најпрвин ќе се зајакнат мерките на границите и против вработувањето на илегални имигранти.
-Не е амнестија. Ќе го врати владеењето на законот. Без реформата ќе имаме анархија.
Цел на реформата на имиграционите закони е тие да се префокусираат на регулирањето на статусот на лица со конкретни вештини и стручност. Сенатот ќе расправа по неа наредната недела, а Претставничкиот дом нешто подоцна годинава.