Додека Грузија се ближи денот на изборите, сознанијата за длабоко руско влијание - од сајбер напади до политички врски - предизвикуваат загриженост за прозападната иднина на земјата.
Изборите во Грузија се одржуваат под плаштот дека владата се соочува со обвинувања дека е под сè поголемо влијание од Русија, што предизвикува загриженост за прозападната ориентација на нацијата.
Една недела пред Грузијците да излезат на гласање, медиумот Блумберг откри руска хакерска кампања насочена кон владата на земјата, клучните индустрии и критичната инфраструктура.
Според Блумберг, меѓу 2017 и 2020 година, руското разузнавање се инфилтрирало во клучните владини министерства, енергетските сектори и телекомуникациските мрежи, откривајќи ја ранливоста на Грузија.
„Гледаме дека Министерството за надворешни работи било 114 пати хакирано, а информациите биле дури и од високи функционери од министерството. Сите сме ранливи... Секој аспект од нашиот секојдневен живот е погоден од нашата главна закана и од непријателот“, вели Горги Јашвили, специјалист за сајбер-безбедност.
Но, влијанието на Русија во Грузија го надминува само хакирањето.
Гига Бокерија од Партија на федералистите, вели дека „Хакирањето е само дел од проблемот“.
„Имаме влада, која дозволува, прифаќа, па дури и ја финансира руската инфилтрација во нашиот политички живот, економската сфера и безбедносните служби бидејќи тие се природни сојузници. Имаме огромни докази за тоа“, вели тој.
Минатиот месец, американските официјални лица изјавија за Гласот на Америка дека санкциите се подготвени против политичарот и олигарх Бидзина Иванишвили - моќната фигура која се смета за вистински авторитет зад грузиската влада - обвинувајќи го дека дејствува под раководство на руските безбедносни служби.
Владејачката партија Грузиски сон е на удар на критики за усогласување на земјата поблиску до Москва.
Партијата Грузиски сон ги негира овие обвинувања, велејќи дека ја зајакнала сајбер безбедноста.
Поранешен функционер на Министерството за внатрешни работи вели дека и покрај реториката на владејачката партија, ниту еден руски шпион не е уапсен во Грузија во последните 12 години.
Додека Грузијците излегуваат на гласање, сенката на Москва се наѕира, заканувајќи се дека ќе ја повлече земјата назад во руската орбита, токму кога посегнува кон интегрирање со Западот.