Алијанса за Албанците влегува во владата, најави нејзиниот лидер по двочасовниот состанок со премиерот и лидер на СДСМ, Димитар Ковачевски. „Шансите Алијанса да стане дел од владата се огромни“ – рече Арбен Таравари, кој во одговорите пред медиумите, настапи како работата да е готова и дека само се чека во наредните денови да заврши распределбата на министерските позиции. Информациите се дека Алијанса може да добие дури 3 ресори.
Your browser doesn’t support HTML5
Алијанса за Албанците влегува во владата
„Генерално, 90 проценти од програмските определби се синхронизирани. За кадровските решенија не зборувавме, се надевам дека во наредните денови ќе ги отвориме и кадровските решенија, зборувавме за програмските определби на нашата партија и на владата и работите кои ќе ги треба да ги истераме заедно во периодот до крајот на мандатот на оваа влада. Воопшто не зборувавме за кадровски решенија, но се надевам дека за 2 до 3 дена и тоа ќе се затвори што поскоро“, рече Таравари.