Украинскиот претседател Володимир Зеленски изјави дека „треба да очекуваме поголема непријателска активност од Русија“ оваа недела додека лидерите на Европската унија размислуваат дали да поддржат кандидатски статус за Украина во ЕУ.
„И не само против Украина, туку и против другите европски земји. Ние се подготвуваме. Ги предупредуваме партнерите“, рече Зеленски во своето ноќно обраќање. Европската комисија минатата недела препорача Украина да добие кандидатски статус. 27-те земји-членки ќе разговараат за ова прашање и ќе ги дадат своите гласови за време на самитот во четврток и петок. Доколку Украина напредува кон кандидатскиот статус, процесот за целосно пристапување во ЕУ може да потрае неколку години.
Зеленски рече дека „жестоките борби продолжуваат во Донбас“, источниот регион на Украина кој беше во фокусот на руските напори во последните месеци.
Генералниот секретар на НАТО, Јенс Столтенберг, во неделата предупреди дека војната на Русија во Украина може да биде долготрајна, но рече дека западните сојузници не треба да ја ограничат нивната поддршка за силите на Киев. „Мораме да се подготвиме за фактот дека тоа може да потрае со години“, изјави Столтенберг за германскиот неделник Билд.
„Не смееме да се откажеме од поддршката на Украина, дури и ако трошоците се високи, не само за воена поддршка, туку и поради зголемените цени на енергијата и храната“ рече британскиот премиер Борис Џонсон, кој го посети Киев во петокот со понуда за обука за украинските сили.
Исто така предупреди на ризикот од „замор од Украина“ додека војната се приближува кон четиримесечен период во наредните денови. Во мислење во лондонски Сандеј Тајмс, Џонсон рече дека тоа значи да се обезбеди „Украина да добива оружје, опрема, муниција и обука побрзо од напаѓачот“.