ВАШИНГТОН (АП) - Претседателот Џо Бајден потпишува извршна наредба за владин надзор на криптовалутите со која се повикуваат Федералните резерви да истражат дали централната банка треба да се вклучи и да создаде своја дигитална валута.
Администрацијата на Бајден ја гледа експлозивната популарност на криптовалутите како повик за итно дејствување за да се разгледаат ризиците и придобивките од дигиталните средства, рече висок функционер на администрацијата под услов да остане анонимен.
Како дел од наредбата што се потпиша, Одделот за финансии и другите федерални агенции треба да го проучат влијанието на криптовалутите врз финансиската стабилност и националната безбедност.
Акцијата доаѓа кога пратениците и претставниците на администрацијата се повеќе изразуваат загриженост дека Русија можеби користи криптовалути за да го избегне влијанието на санкциите наметнати врз нејзините банки, олигарси и нафтената индустрија поради инвазијата на Украина.
Администрацијата на Бајден тврди дека Русија нема да може да ја надомести загубата од американските и европските санкции со тоа што ќе се сврти кон криптовалутите.
И покрај ризиците, велат од владата, истражувањата покажуваат дека приближно 16 отсто од возрасните Американци - или 40 милиони луѓе - инвестирале во криптовалути, од нив 43 отсто се мажи на возраст од 18-29 години кои ги вложиле своите пари во криптовалути
Од Coinbase Global Inc., најголемата берза за криптовалути во САД, велат дека компанијата не забележала неодамнешно зголемување на активноста.