Државниот секретар на САД Мајк Помпео е во Брисел, Белгија. Ова претставува прва станица на неговото патување во Европа, а се очекува да разговара за заканите и изјавите од Иран.
Портпаролот на Стејт департментот Морган Ортагус рече дека Помпео ќе продолжи да соработува одблизу со сојузниците и партнерите, со цел да ги осигура заедничките интереси на Блискиот исток и насекаде во светот.
Првично, Помпео денес требаше да се сретне со американските дипломати и бизнис лидери во Москва, но, плановите беа промение вчера вечерта. Планот на неговите останати посети засега останува непроменет.
Утре тој се очекува да отпатува во Сочи, каде е планирано да има разговори со рускиот претседател Владимир Путин и рускиот министер за надворешни работи Сергеј Лавров.
Оваа посета на Помпео се случува неколку недели пред Самитот Г-20 во Осака, Јапонија, на кој треба да присуствуваат претседателот Доналд Трамп и рускиот претседател Путин.
Патувањето на Помпео во Русија доаѓа во време на зголемени тензии меѓу двете држави околу Иран.
Facebook Forum