Линкови за пристапност

По Велика Британија, Германија е следното бојно поле околу 5Г


По одлуката на Велика Британија да го забрани вклучувањето на кинеската технолошка фирма „Хуавеј“ во британската телекомуникациска мрежа 5Г, Германија по се изгледа е следното потенцијално бојно поле за проверка на проширувањето на влијанието на Кина во светот, на што се повеќе се гледа како на сериозен предизвик за демократските институции ширум светот.

Одлуката на Германија дали да ја вклучи опремата „Хуавеј“ во сопствената мрежа е „сè уште на дофат“, рече Рејнхард Буетикофер, член на опозициската Зелена партија и претседавач со Делегацијата на Европскиот парламент за односи со Народна Република Кина.

Одлуката на Велика Британија „може многу да влијае врз одлуката што Германија ќе ја донесе“, рече Буетикофер во телефонско интервју од Берлин.

Тој рече дека планот на Велика Британија да го вклучи „Хуавеј“ во својата следна генерација на мрежа - што нагло беше променето во драматична објава минатата недела - беше испорачан како модел од страна на германските приврзаници на кинескиот телекомуникациски гигант.

Германската одлука да го исклучи „Хуавеј“ од својата мрежа ќе биде дипломатска победа за САД, која лобираше за британскиот пресврт и врши притисок врз другите држави да го следат тоа. Американците предупредуваат дека опремата „Хуавеј“ може да содржи „задни врати“ што ќе и овозможат на Кина да шпионира чувствителни комуникации.

„Се надеваме дека можеме да изградиме коалиција што ја разбира заканата и ќе работи колективно“, рече државниот секретар Мајк Помпео за време на патувањето во Велика Британија и Данска оваа недела.

Но, Бутикофер рече дека неговите забелешки кон кинеската компанија не се под влијание на притисокот на Вашингтон. „Се спротивставувам на вклучувањето на Хуавеј во германската мрежа 5Г не затоа што сакам да им помогнам на САД, туку затоа што сметам дека тоа е закана за германската национална безбедност“, рече тој.

Facebook Forum

XS
SM
MD
LG