Засега нема докази дека напаѓачот во Австралија е поврзан со тероризам

Од австралиската полиција соопштија дека возачот кој со својот автомобил намерно влетал во група пешаци во Мелбурн, потоа бил уапсен. Во инцидентот биле повредени 19 лица.

Властите изјавија дека осомничениот е 32-годишен австралиски државјанин со потекло од Авганистан и дека немал минато на употреба на дрога или проблеми со менталното здравје.

„Во оваа фаза, немаме докази за какви било разузнавачки податоци, што би укажале дека лицето е поврзано со тероризам. Во меѓувреме, истрагата продолжува“, рече вршителот на должноста, командантот на полицијата на Викторија, Шејн Патон.

Тој додаде и дека полицијата ќе го зголеми своето присуство во текот на ноќта во централната област во Мелбурн каде се случил инцидентот.