Линкови за пристапност

Дебата на Демократите во Јужна Каролина - 2004-01-30


Џон Кери, Џозеф Либерман, Ал Шарптон, Денис Кучинич, Весли Кларк, Џон Едвардс и Хауард Дин беа едногласни дека владата на претседателот Буш ги изневерила очекувањата на американската јавност во однос на прашањата од надворешната и домашната политика.

Сите, освен сенаторот Џозеф Либерман, остро ги критикуваа политиките на претседателот Буш во однос на Ирак и меѓународната трговија. Сенаторот од Масачусетс, Џон Кери, кој во моментов предводи во трката за претседателска номинација, порача дека доколку биде избран, одново ќе ги изгради, цитираме, „раскинатите сојузништва на Америка“:

„Ќе го обновам нашето сојузништво. Одново ќе се приклучиме на заедницата на држави во светот, и ќе го обезбедам потребниот вид на соработка“, кажа господинот Кери.

Најголем дел од дебатата беше фокусиран на затворањето на работните места како резултат на странската конкуренција и високите трошоци за здравствена заштита.

Според најновите анкети, сенаторот од Масачусетс Џон Кери и неговиот колега од Северна Каролина, Џон Едвардс, се во тесна трка за првото место, додека активистиот за човекови права Ал Шарптон, далеку заостанува зад нив на третото место.

XS
SM
MD
LG