Линкови за пристапност

Гејтс: Арапскиот свет да се обедини во справување со иранската закана


Американскиот секретар за одбрана Роберт Гејтс вели дека американските сојузници во арапскиот свет треба да ги засили своите воени способности и да го одврати Иран од аспирациите да поседува нуклеарно оружје.

Во интервју за арапската телевизија Ал-Џезира, Гејтс истакна дека САД и натаму веруваат дека дипломатскиот и економски притисок може да водaт до политички промени во Иран.

Тој сепак додаде дека еден од начините да се привлечат Иранците кон промена на пристапот кон по нуклеарното прашање, е да се убедат дека развивањето на нуклеарно оружје само ќе наштети на безбедноста на нивната земја, а нема да ја зајакне.

Гејтс уште кажа дека доколку Иран продолжи да работи на нуклеарната програма, можно е да ја поттикне трката во нуклеарното вооружување во целиот регион.

Во понеделникот, иранскиот претседател Махмуд Ахмадинеџад изјави дека неговата земја нема да преговара околу своето „право“ да развие нуклеарна технологија.

XS
SM
MD
LG