Американската влада му додели грант од 1,6 милијарди долари на фармацевтскиот гигант Новавакс да развива вакцина против коронавирусот. Ова е досега најголема сума средства за компанијата со седиште во Мериленд, дел од владината иницијатива “Operation Warp Speed”, за интензивирање на процесот до вакцина или лекување од Ковид-19.
Извршниот директор Стенли Ерск изјави дека компанијата планира да достави 100 милиони дози вакцини во последниот квартал од годината, а целосно да заврши со производство во јануари или февруари следната година.
Американскиот Оддел за здравство и Одделот за одбрана во заедничко соопштение објавија дека поради инцијативата која е финансирана од федералната влада, ќе „имаат 100 милиони дози на експериментална вакцина како резултат од развојните проекти“.
Грантот од владата на САД доаѓа во време на скок на нови заразени и се поголем број сојузни држави и градови ги враќаат рестриктивните мерки и карантинот.
Акциите на берзите на фармацевтскиот гигант Новавакс нагло пораснаа по веста дека добиле владин грант за развивање вакцина.
Facebook Forum