Сенатската комисија за разузнавање издаде налог најстариот син на претседателот Доналд Трамп да одговори прашања за неговото сведочење во 2017 година, како дел од истрагата за руското мешање во изборите.
Комисијата одлучи да разговара со Доналд Трамп Јуниор, откако поранешениот адвокат на претседателот Мајкл Коен, на сведочењето во февруари, кажа дека го брифирал Трамп Јуниор најмалку десет пати за планот да се гради кула во Москва.
Тој, пак, пред Сенатската комисија за разузнавање во 2017 година, рече дека само начелно бил информиран за овој план.
Ова е прв налог за член на смејството на Трамп, и знак дека Сенатската разузнавачка комисија продолжува со истрагата за поврзаноста на Русија со изборите, и покрај објавувањето на извештајот на Мулер.
Не е јасно дали Трамп Јуниор ќе одговори на поканата.
Facebook Forum