Линкови за пристапност

Македонија во НАТО, кои се ставовите на партиите?


Членството во Алијансата отворено го поддржуваат сите. Условите се исполнети, Грција е единствената пречка. Името и идентитетот не смеат да бидат услов за влез во НАТО

Генералниот секретар на НАТО Јенс Столтенберг, по средбата со македноскиот премиер Зоран Заев во Брисел, изјави дека вратите на НАТО се отворени за Македонија. Тој потврди дека единствен проблем е името и додаде дека влезот на нашата држава во Алијансата под привремената референца БЈРМ зависи од Грција.

Од најголемата опозициска партија, ВМРО-ДПМНЕ, веднаш по средбата Заев-Столтенберг излегоа со својот став - дека нашата држава ги исполнува сите услови и затоа не смее идентитетот воопшто да се доведе во прашање или да стане предмет на преговори.

„Очекуваме дека Зоран Заев и неговата влада ќе го исполнат ветувањето коешто им го дадоа на граѓаните на Република Македонија, за брз влез во НАТО и брз влез во ЕУ, притоа не задирајќи во идентитетските прашања, воедно не правејќи договори на штета на македонскиот народ и македонската држава“, рече Влатко Ѓорчев.

Од партијата сметаат дека министерот за надворешни работи Никола Димитров, не смее да отстапи од веќе дефинираните највисоки државни и национални интереси - членство во евро-атлантските структури и одбрана на македонскиот идентитет.

Од ДУИ пак повторија дека имаат позитивни очекувања околу членството на Македонија во НАТО, но и дека според досега постигнатото, државата требала уште многу одамна да биде дел од Алијансата.

„Ние како Албанци, сите сме за Македонија во НАТО и за постигнување компромис околу името кој е прифатлив за сите страни. Треба час поскоро да станеме дел од НАТО, бидејќи Македонија е на крстосница на која се судираат интересите и на Русија. Ние немаме ништо против Русија, но нашата држава припаѓа во евроатланското семејство“, изјави престедателот на ДУИ, Али Ахмети.

Со свој став се огласи и партијата ГРОМ. За нив нема промена на име ниту пак референдум, кога станува збор членството во Алијансата.

„Како што Грција има свои црвени линии, така и македонската влада треба да има свои црвени линии. Според оценките на ГРОМ, колку што нам ни` треба НАТО, исто толку ние му требаме на НАТО, заради се` поголемото руско влијание во регионот“, изјави Ѓорѓи Чакарјаневски.

Ставот на Грција е ист со години, а тоа вчера го потврди и шефот на грчката дипломатија Никос Коѕијас, кој повтори дека нема отстапување од црвените линии на Грција и нема простор за надеж за членството на Република Македонија во НАТО ниту под привремената рефернца БЈРМ.

Facebook Forum

XS
SM
MD
LG