Линкови за пристапност

Бајден презема акција за здравствена заштита на оние што го изгубиле осигурувањето за време на пандемијата


Американскиот претседател Џо Бајден е подготвен во да потпише наредби во врска со здравствената заштита вклучувајќи и за специјален период на пријавување на пазарот за здравствено осигурување што ќе им помогне на оние кои го изгубиле покривањето за време на пандемијата со коронавирус.

Осигурувањето преку работодавците е највообичаено здравствено осигурување за Американците, а со пандемијата многу луѓе останаа без работа, така што бројот на неосигурените порасна.

Наредбата на Бајден ќе овозможи три месеци за пријавување според Актот за достапна грижа, познат како Обамакеар, и е програма креирана во 2010 кога Бајден служел како потпретседател.

Типично, програмата е отворена за запишување шест недели во годината.

„Додека продолжуваме да се бориме со Ковид-19 дури и покритично е Американците да имаат пристап до подобра здравствена заштита“, кажа Белата куќа пред потпишувањето.

Наредбата, исто така, ќе ги насочи федералните агенции да ги преиспитаат политиките што ја поткопуваат заштитата на програмата за луѓе кои имаат постоечки здравствени проблеми, вклучително и ефекти од COVID-19.

Повеќе од 429.000 луѓе починаа од Ковид-19 во САД.

Директорката на Центрите за контрола и превенција на болести, Рошел Валенски, за новинарите во средата изјави дека предвидувањата на нејзината агенција покажуваат дека бројот на умрени ќе биде помеѓу 479.000 и 514.000 до 20 февруари 2021 година.

Валенски зборуваше на првиот брифинг од три неделно, како што вети администрацијата на Бајден, за да се дискутираат напорите на владата за одговор на ситуацијата со коронавирусот.

XS
SM
MD
LG