Во Калифорнија беа уапсени неколку лица по физичката пресметка меѓу симпатизерите и противниците на Доналд Трамп, фаворитот за добивање на претседателската номинација од редовите на Републиканската партија.
Трамп, кој имаше свое обраќање во јужниот дел на оваа сојузна држава, претходно ја критикуваше поранешната државна секретарка Хилари Клинтон, велејќи дека немало да има шанси да ја добие претседателската функција, ако, „не играла на картата на прашањата што ги засегаат жените, во надеж да стане првата жена-претседател на САД“.