Стручњаци за суперкомпјутери, коишто неделава се собраа на годишна конференција во Њу Орлеанс, велат дека САД можеби почнале да заостануваат зад Кина и Европската унија во производството и примената на ваквите машини.
Суперкомпјутерите можат да вршат милијарди математички операции во секунда и се употребуваат за разни задачи, од предвидување на временските услови, преку статистичка анализа на ДНК-истражувања, па се` до пробивање на шифри.
Со години, суперкомпјутерите се произведуваа во САД, но инвестициите од висок приоритет во Европа и Азија го сменија тоа и сега Кина се наоѓа во водство.
Иако поголемиот дел од хардверот на суперкомпјутерите се` уште се произведува во САД, стручњаците најавуваат дека и тоа би можело да се смени, со фактот дека корпорацијата ИБМ ја продаде својата фабрика за производство на напредни сервери на компанијата Леново, базирана во Кина.
Во јуни 2013-та, кинескиот суперкомпјутер Тјанхе 2 беше рангиран како најбрз во светот, со брзина од 33,86 петафлопи. Петафлоп е еднаков на илјада трилиони операции во секунда.
Американските стручњаци планираат да изградат компјутер со уште поголема брзина, од една илјада петафлопи, но засега не е утврден датумот кога таквата машина би станала реалност.