Медиумите известуваат дека маскираниот милитант од Исламската држава, кој се појави во неколку видеа на заложници кои биле брутално обезглавени, тентативно е идентификуван како британски државјанин со диплома од компјутерско програмирање.
Извештаи од четвртокот цитираат пријатели на Мохамед Емвази како велат дека веруваат оти тој е високиот, со лондонски акцент, наречен „Џихадистот Џон“.
Лицето се појавува на видеата облечен во црно, со маска преку лицето и футрола за оружје под пазувата. Американски и британски официјални лица не коментираа по новинските извештаи за неговиот идентитет.
Емвази е наводно родум од Кувајт, Лондончанец од средната класа кој практикувал Ислам. Пријатели и познаници велат дека веруваат оти се радикализирал изминативе неколку години по патувања во Африка и на Блискиот исток. Се знаеше дека тој е наводно „лице од интересс“ за британските безбедносни власти иако безбедносните претставници ова не го потврдија.