Линкови за пристапност

Луксузен хотел на Трамп до Белата куќа


Републиканскиот претседателски кандидат синоќа свечено го отвори својот најнов хотел на Авенијата Пенсилванија во Вашингтон, на неполни две недели од изборите

Свеченото отварање со сечење лента со семејството.

Со многу помпа, раскош и угледни лица од политичкиот естаблишмент од Вашингтон.

Се наоѓа на две улици од Белата куќа. Познатата зграда на Старата пошта во главниот град на САД, едно од најпознатите обележја и доби нов белег, бренд, – Трамп!

Градските власти му ја доделија на компанијата на милијардерот од Њујорк на 60 годишен лизинг, уште во 2012-та.

Униформите, дизајнот, ентериерот, е дело на неговата ќерка Иванка Трамп. Го задржа римско-грчкиот стил, а од познатите марки во фоајето, може да ги најдете италијанскиот дизајнер Бриони, чии одела, се продаваат и по 6000 долари.

Рачно изработениот мебел од 18-то век го краси специјалниот

Претседателски апартман, за оние со подолг џеб, во кого една ноќ чини 15.000 долари, а од одговорните во менаџментот ни потврдија дека е букиран до крајот на декември. Идентитетот на гостите, од разбирливи причини, останува непознат.

Хотелот има 150 соби.

За да ја покрие големата инвестиција за реконструкција на зградата од 1899-та, актуелниот републикански претседателски кандидат инвестирал 42 милиони долари, но земал 700 милиони долари заем од Дојче Банк. Со оглед дека работи за објект од културно-историско значење за Вашингтон, добил даночно олеснување од 20 проценти за реконструкцијата или околу 40 милиони долари.

Пред хотелот на Авенијата Пенсилванија, демонстранти – за и против Трамп - „Дојдов да протестирам против Доналд Трамп. Зашто е измамник, лажливец. Ниту другиот кандидат не е добар избор“, вели дека демонстрант.

„Одвратни се. Поткупени се од Синдидатот, и немаат никаква почит“, коментира еден симпатизер на Трамп.

Како куриозитет, отворањето на најновиот хотел на Трамп се совпадна со роденденот на Хилари Клинтон. Таа наполни – 69 години.

XS
SM
MD
LG