Линкови за пристапност

Гоце Цветановски: Создавање филм е вид на интелектуален оргазам


Не работам со луѓе зашто ми се пријатели, туку зашто токму биле совршени за таа улога, за тоа место, во тој проект

Детството е секогаш и секаде исто, без разлика каде си - вели 37-годишниот режисер Гоце Цветановски за Гласот на Америка на маргините на Македонскиот филмски фестивал во Торонто. Снимил филм за татко му, тоа е неговиот омаж за него.

Сите елементи треба да бидат ускладени за еден добар филм, иако се` почнува од приказната, но ако целата екипа не е „наштимана“, тогаш има шанси да се намали квалитетот на финалниот производ.

Какво е чувството по секој сработен филм?

„Прекрасно...Еден вид на интелектуален оргазам“, вели Цветановски.

„Детето во светот“ е биографски документарен филм за детството на Љубе Цветановски, познат по серијата „Патуваме – сонуваме“.

„Ја раскажуваме приказната за неговото детство во планинско село во Македонија...“, објаснува овој уметник.

Вели, во последниот период во Македонија, има нов бран македонски автори кои обработуваат теми и форсираат новите погледи кои ја збогатуваат македонската кинематографија.

Неговиот потпис стои и зад најновиот спот на легендарната група „Феит ноу мор“ – Cone of Shame. Се согласиле да биде снимен спот како филм – и досега го виделе преку 200.000 луѓе на Јутјуб.

Но, Гоце не мирува.

Следен проект – прв македонски долгометражен анимиран филм – „Јон Вардар против Галаксијата“ за хуманоиден Македoнец, киднапиран од робот, со кого заедно шета низ галаксијата, но наместо да ја спасат, можеби ќе ја уништат, на шега - вели Цветановски. Филмот се очекува да се прикажува 2019-та, а ќе се работи во Македонија.

Голем дел од животот минува на релација Париз – Скопје. И како што вели - животот во Франција му помогнал да созрее како автор.

XS
SM
MD
LG