Мисирка со сос од дренки е традиционално јадење за Денот на благодарноста и е една од многуте попопуларни понуди.
Се јаде на првиот кат, но кујната е на 9.000 квадратни метри под кафетеријата. Ричард Хецлер, главниот готвач, надгледува персонал од 60-тина лица и е одговорен за мени со стотина различни јадења инспирирани од домородните култури од целата западна хемисфера. Лосос од пацифичкото северозападно крајбрежје, див ориз и салата од поточарка од северните шуми, пченкарни питулици... Состојките, од боровинки до цвекло, се традиционални, но Хецлер вели дека ги осовременува овие јадења.
Што се однесува на традиционалната храна за Денот на благодарноста, тој вели:
„Знаеме дека сигурно имало мисирки зашто птиците ги имало во изобилие. Месо од срна исто така. Дали имале пудинг од леб со лосос и салата од див ориз? Не знам. Но ми изгледа логична храна за тој ден.“
За Денот на благодарноста секој може да порача храна од оваа локација за дома. Но остатокот од годината ова е само ресторан во кој се служи и се јаде на самото место. Се работи за храна што не може да се најде никаде во Вашингтон.