Линкови за пристапност

Кливленд кавалирс во финалето на НБА


Во првата сезона по враќањето на Леброн Џејмс во клубот

Кливленд кавалирс во преполната сала на домашен терен ја „прегази“ Атланта хокс со 118:88 и со 4:0 во серијата „најдобар од седум натпревари“ се пласира во финалето на НБА.

Ѕвездата Леброн Џејмс постигна 23 поени, а имаше и 9 скока и 7 асистенции. Одлична партија пружија Кајл Ирвинг и Тристан Томсон, обајцата со по 16 поени.

Кај Атланта хокс, најпрецизен беше Џеф Тиг со 17 поени. Македонскиот интернационалец Перо Антиќ не играше на овој натпревар. Во текот на целиот меч, Кливленд имаше двоцифрена предност и доминираше под кошевите и од линијата за три поени, а натпреварот го заврши со севкупна прецизност од 49,4%.

Кливленд за противник во големото финале го очекува победникот од финалето на Западната конференција меѓу Голден стејт вориорс и Хјустон рокетс. Резултатот е 3:1, а петтиот натпревар се игра вечерва. Серијата на големото финале започнува на 4-ти јуни.

XS
SM
MD
LG