Линкови за пристапност

Од 1.000 деца, 11 биле дијагностицирани со аутизам, од кои повеќето машки, вели нова студија во САД.

Бројот на американските деца дијагностицирани со аутизам бележи нагорна линија, од едно на секои 110 во 2006-та, па се` до едно на секои 88 деца во 2008-та. Најновите податоци се должат на студијата на американската влада за ова пореметување во развојот што вообичаено се случува во првите неколку години од животот на детето и го зафаќа развојот на мозокот и способноста за комуникација.

Аутизмот се манифестира со различни видови на однесување. Некои деца имаат блага верзија на болеста, наречена Аспергеров синдром. Други се посериозно погодени, со екстремни тешкотии за социјализирање и комуникација. Американските центри за контрола и превенција на болести, со седиште во Атланта, ги проучиле податоците за 8-годишни деца од 14 сојузни држави собрани во 2008-та години. Откриено е дека на секои 1.000 деца преку 11 биле дијагностицирани со аутизам. Според владината организација, ова особено се однесувало на момчиња, едно на секои 54.

Директорот на Центри за контрола и превенција на болести, Томас Фриден изјави дека зголемувањето на деца болни од аутизам можно е да се должи на подобрените начини за препознавање на симптомите на пореметувањето.

Повеќе коментари

XS
SM
MD
LG