Линкови за пристапност

Санторум победи во три држави


Санторум победи во три држави

Санторум победи во три држави

Републиканската трка за Белата куќа стана уште понеизвесна.

Рик Санторум доби силен импулс во републиканската трка за претседателските избори со победата на синоќешните прелиминарни гласања во Минесота, Мисури и Колорадо.

Со најголем дел од гласовите веќе пребројани, поранешниот сенатор од Пенсилванија победи во Минесота со 45%. Конгресменот Рон Пол го освои второто место со 27%, а досегашниот фаворит, поранешниот гувернер на Масачусетс Мит Ромни беше трет со скромни 17%.

Во Мисури, каде веќе се пребројани сите гласови, Санторум освои 55%, Ромни 25% а Пол 12%.

Прославувајќи ја победата, Санторум изјави дека „конзерватизмот не само што е жив, туку и во одлична состојба“ во Мисури и Минесота. Тој се прогласи за вистинската „конзервативна алтернатива“, и на сопартиецот Ромни, и на претседателот Барак Обама. Санторум го обвини Обама дека е арогантен и не сака да чуе дека американскиот народ е против владината помош за финансискиот сектор и реформата на здравствената заштита.

Санторум победи и во Колорадо со 40% од гласовите, пред Ромни со 35% и поранешниот претседател на Претставничкиот дом Њут Гингрич со 13%. Ромни победи со голема разлика во Колорадо на претходните прелиминарни републикански избори во 2008-ма.

Тројната победа на Санторум нанесе значителен удар на статусот на Ромни дека е фаворит да ја освои републиканската номинација за претседателските избори. Ромни му честиташе на Санторум, но кажа дека на крајот очекува да биде кандидатот кој ќе се спротистави на Обама.

XS
SM
MD
LG