Во соопштението на Стејт департментот се вели дека американската делегација ќе ја предводи заменик-државниот секретар Вилијам Брнс, а ќе присуствува и главната преговарачка за нуклеарни прашања на САД , Венди Шерман.
Преговорите уследија откако Иран и шест светски сили не успејаа да постигант сеопфатен договор за нуклеарната програма минатиот месец. САД, Британија, Кина, Франција, Германија и Русија, кои ја сочинуваат таканаречената П5+1, се согласија со Иран рокот да се продолжи до 24 ноември.
Привремениот договор што го постигнаа двете страни минатиот ноември, ги олесни санкциите поставени спрема Иран, а иран за возврат се согласи да запре со програмата на збогатување на ураниумот.
Иран ги отфрли обвинувањата дека се обидува да развие нуклеарно оружје, нагласувајќи дека нуклеарната програма е за мирољубиви цели.