Во телевизиско обраќање и на неговиот профил на Твитер, Јаценјук подвлече дека се надева оти неговата оставка, која утре и официјално ќе биде поднесена до Парламентот, на Украина ќе и` даде шанса да усвои нови изборни, уставни и судски реформи, како и да се приклучи кон ЕУ и НАТО.
Во телефонски разговор во неделата, американскиот потпретседател Џо Бајден му честита на Јаценјук за чекорите што Украина ги направила за да имплементира, цитираме, тешки, но неопходни економски реформи и за напредокот кон енергетска независност од Русија. Белата куќа кажа дека Бајден и Јаценјук се согласиле дека промените мора да бидат постојани и дека продолжителниот напредок е клучен во обезбедувањето на просперитетна иднина за Украина.
Бајден и Јаценјук се согласиле и по прашањето околу важноста да се формира нов кабинет и за натамошна имплементација на потребните реформи.