Линкови за пристапност

И Белата куќа и Кремљ го потврдија телефонскиот повик, но не откриваат за што ќе се дискутира

За денеска е најавено дека претседателот Доналд Трамп ќе има телефонски разговор со својот руски колега, Владимир Путин, што би бил прв откако Русија го осуди минатомесечниот американски воен напад врз Сирија.

И Белата куќа и Кремљ го потврдија телефонскиот повик, но не откриваат за што ќе се дискутира.

Обајцата лидери се очекува да разговараат за граѓанската војна во Сирија и континуираната поддршка на Путин за сирискиот претседател Башар Ал Асад.

Ова ќе биде трет телефонски разговор меѓу Трамп и Путин, откако Трамп победи на претседателските избори.

За време на неговата кампања, Трамп изрази надеж дека тој и Путин би можеле да соработуваат во борбата против тероризмот. Сепак, минатиот месец американскиот претседател изјави дека односите САД-Русија „можно е да се на најниско ниво досега“.

Во меѓувреме, продолжуваат конгресните и истрагите на ФБИ, за наводните контакти на кампањата на Трамп со Русија и руското мешање во изборите во САД.

Facebook Forum

XS
SM
MD
LG