Доналд Трамп нема да ја преземе функцијата претседател до јануари, но оние кои ја слават неговата победа и сакаат за време на празничната сезона да се потсетат на неговата победа, тоа може да го сторат со купување на божиќни украси со познатиот слоган од неговата кампања: „да ја направиме Америка повторно голема“
Минијатурната црвена капа е направена по модел на онаа која Трамп ја носеше на многубројните предизборни собири. Украсот се рекламира како направен од бронза со позлатени рабови и се продава за 149 долари. Со нарачката се дава допринос кон Комитетот за донации на Трамп, исто како и донација до Републиканскиот национален комитет.
Како и самиот Трамп, украсот предизвика поделени мислења. Просторот за оставање на оценки за производот на Амазон брзо стана форум каде луѓето ги оставаат своите чувства за новоизбраниот претседател, неговите политики и личност.
Во рекламата за производот стои: „да осигурате дека секое дрво се истакнува“ и „новоизбраниот претседател Трамп кој го сака Божиќ и гордо кажува среќен Божиќ, во секоја прилика“
Не се наведува каде е произведен украсот, но многумина шпекулираат дека е направен во Кина, каде се произведуваат повеќето декорации за Божиќ кои се продаваат во САД.
Производот започна да се продава на Амазон од денеска.