Линкови за пристапност

Америка, Русија и Ирак преговараат за Сирија


Кери оптимист за преговорите што во петок почнуваат во Виена

Пред преговорите на меѓународно ниво за Сирија, американскиот државен секретар Џон Кери, во Виена, одвоено се среќава со неговите колеги од Иран и Русија. Тој овие преговори ги нарече „најветувачка“ можност до сега за завршување на крвавиот конфликт во земјата.
Освен одвоените разговори со иранскиот и рускиот министер за надворешни работи Мохамед Џавад Зариф и Сергеј Лавров, Кери учествуваше и на неофицијални средби за Сирија со високи дипломати од Русија, Саудиска Арабија, Турција, Австрија и ЕУ.
„Ќе видиме што ќе се случи“ рече Кери на пат за средба со австрискиот министер за надворешни работи, Себастијан Куртс.

Куртс вака ги претстави предизвиците што се пред дипломатите:

„Ги имаме Америка, Саудиска Арабија и Турција на една страна и Русија и Иран на друга, кои работат во сосема различна насока.“

Во петок, за време на средбата за пеглање на разликите во врска со иднината на сирискиот претседател, Башар ал-Асад, ќе бидат вклучени и други нации.

XS
SM
MD
LG