Линкови за пристапност

Обама планира говор пред Конгресот следната недела


Обама планира говор пред Конгресот следната недела

Обама планира говор пред Конгресот следната недела

Датумот на говорот беше договорен дури во среда, по јавно несогласување со спикерот Џон Бејнер

Како знак дека затегнатоста на односите меѓу двете политички партии не попушта, датумот на говорот беше договорен дури во среда, по јавно несогласување со спикерот Џон Бејнер, врвниот републиканец во Претставничкиот дом.

Обама, демократ, побара од конгресните лидери да свикаат заедничка седница на Сенатот и Претставничкиот дом на 7 септември. Но кусо време откако барањето беше објавено, спикерот на Претставничкиот дом Бејнер одговори со контра-барање Обама да го одложи говорот за еден ден.

Бејнер кажа дека би било логистички тешко навреме да се одобри заедничка седница на Конгресот за говорот следната среда, по одморот.

Обама се согласи со предлогот на Бејнер неколку часа подоцна, велејќи дека е фокусиран на „итната потреба“ да се креираат работни места и економски растеж, и дека однапред се радува на предизвикување на конгресните лидери да „започнат да фокусираат 100 проценти од вниманието“ на помагање на американскиот народ.

Во изјавата исто така се вели дека спикерот Бејнер бил консултиран пред датумот 7 септември за говорот да биде објавен.

Предложеното време од страна на Обама ќе се совпаднеше со планираното време за телевизиска дебата на републиканските претседателски кандидати. Терминот 8 септември ќе се совпадне со првата официјална игра на американската фудбалска сезона што ќе биде телевизиски пренесувана.

XS
SM
MD
LG