Линкови за пристапност

Рубиковата коцка слави 40 години


Ова е најпродавана играчка-слагалка во светот со 350 илјади примероци продадени од 1974-та наваму

Пластичната коцка во повеќе бои и слагалка во повеќе редови, што забавуваше и фрустрираше обожуватели во цел свет, ја слави 40-та годишнина.

Специјална изложба во центарот за наука во Џерси Сити, сојузната држава Њу Џерси, беше поставена со цел да му оддаде почит на унгарскиот архитект Ерно Рубик за неговиот пронајдок на играчка-коцка што го носи неговото име.

Изложбата има за цел на посетителите да им покаже како играчката-слагалка е пресек на светот на уметноста и светот на науката.

Како дополнение на рубиковите иницијални прототипови, изложбата претставува 18-каратна златна коцка со над 1.300 скапоцени камења со различни бои – што носи цена од 2,5 милиони долари.

Од дебитирањето во 1974, продадени се според проценките околу 350.000 Рубикови коцки, правејки ја најпопуларна слагалка во светот.
XS
SM
MD
LG