Пентагон потврди дека виш оперативец на Ал Каида во северозападна Сирија бил цел на минатонеделните американски воздушни напади, при што загинале неколкумина членови на филијалата на Ал Каида, Џабхат-ал-Нусра.
Портпаролот на Пентагон, Питер Кук, беше запрашан и за коментар по медиумските извештаи дека ирански специјални сили се наоѓаат во Сирија и ја советуваат владата на претседателот Башар Ал Асад. Тој додаде дека е информиран за тие извештаи и дека не би бил изненаден ако се точни.