Линкови за пристапност

Италијански истражувачи велат дека умереното консумирање на тестенини придонесува за здрав индекс на телесната маса

Одлична вест за љубителите на тестенините. Студија направена во Италија упатува дека тие не дебелеат, можеби дури и ги намалуваат шансите за дебелеење.

Во напис во списанието „Храна и дијабетес“, истражувачите велат дека медитеранската диета главно „придонесува за здрав индекс на телесната маса, помала половина и подобар сооднос на половината наспроти колковите.“

Истражувањата на Одделот за епидемиологија при Институтот за истражување, хоспитализација и на Медитеранскиот неуролошки институт за здравствена заштита во Позили се засновани на анализите на диетите на повеќе од 23.000 лица.

„Општо мислење е дека тестенините не се адекватни кога сакате да изгубите килограми. Некои луѓе целосно ги отфрлиле од нивните оброци, “ вели Лициа Јаковиело, раководителка на Лабораторијата за молекуларна и нутриционистичка епидемиологија во институтот, и „во светло на оваа истражување, можеме да кажеме дека ова не е` правилен однос.“

Сепак Јаковиело додава дека тестенините треба да бидат консумирани умерено, како дел од диетата која вклучува разни медитерански продукти, како свеж зеленчук и овошје, нерафинирани житарки, ореви, бадеми, маслинки и леќа меѓу другите.

Многу други студии покажаа дека медитеранската диета го намалува ризикот од срцев и мозочен удар.

XS
SM
MD
LG