Линкови за пристапност

Охридски ученици најдобри во светот на натпревар на фондацијата Оракл

  • Сашо Митан

Владо Војданоски

Владо Војданоски

Владо Војданоски, Ангела Јорданоска, Моника Донеска и Ангела Петреска го освоија првото место за проект за штедење енергија.

Владо Војданоски, Ангела Јорданоска, Моника Донеска и Ангела Петреска се ученици во ОУ „ Братство Единство“ во Охрид. Под менторство на професорката Марија Пупиноска - Гогова со проектот „Заштеди енергија“ учествуваа на натпреварот на најголемиот образовен портал ТинкКвест од фондацијата Оракл.

Во конкуренција на 5.600 училишта и проекти, учениците од ОУ „Братство Единство“ од Охрид го освоија првото место.

„Проектот го насловивме „Промени ги навиките - штеди енергија“. Ги вклучивме сите ученици на училиштето. Работевме на кревање на свеста кај сите ученици и вработените во нашето училиште и во средината во која живееме за заштеда на електричната енергија. Активностите што ги презедовме беа разговори со експерти, интервјуа со ученици, изработување на материјали за три целни групи. Тука беа вклучени и децата со посебни потреби за кои беа изработени со посебни квизови и игри“, вели професорката Марија Пупиноска - Гогова.

Младиот Владо Војданоски е горд на наградата. Тој кажа дека наградата е успех за него и за училиштето, но и за градот.

„ Ова ќе биде поттик за другите генерации“, вели Војданоски, оддавајќи и` признание на наставничката Марија која им кажала за проектот.

Како награда училиштето ќе добие донација од 5.000 долари, а учениците кои учествуваа во проектот заедно со наставничката ќе добијат по еден лаптоп во вредност од 1.500 долари, а од 6 до 11 октомври годинава ќе учествуваат на настанот „ТинкКвест во живо 2012“ во Сан Франциско каде ќе го претстават својот проект за штедење енергија без вложување на големи финансиски средства.
XS
SM
MD
LG