Линкови за пристапност

Синдикатите и студентите со „Окупирај го Вол Стрит“


Синдикатите и студентите со „Окупирај го Вол Стрит“

Синдикатите и студентите со „Окупирај го Вол Стрит“

Демонстрантите тврдат дека САД стануваат земја во која владее мала финансиска елита, додека остатокот мака мачи да преживее

На протестот на движењето „Окупирај го Вол Стрит“ во Њујорк им се приклучија синдикати и локални организации. Движењето како причина за кревање на гласот ја наведува економската неправда.

Вака негодува еден демонстрант: „Владата велеше дека треба да го спаси Вол Стрит и трите најголеми автопроизводители, за да стимулира економијата. Три години подоцна, се` уште нема работни места!“

Во протестите се вклучија камионџии, учители, медицински сестри, негодувајќи поради невработеноста, влијанието на големите корпорации во политиката, како и владиниот пакет-помош во 2008-ма за големите банки на Вол Стрит.

Брус Хамилтон, претседател на оддел на Здружениот синдикат на транспортни работници вели: „Сакаме пристоен живот. Сакаме да ја спасиме планетата. Бараме право на квалитетен транспорт и чист воздух и вода, пристоен стандард на живеење. Тоа ни го зеде Вол Стрит и затоа сме тука“.

Демонстрантите тврдат дека САД стануваат земја во која владее мала финансиска елита, додека 99% од Американците мака мачат да најдат работа и да платат кирија.

Сандра Фалвел е организатор во Синдикатот на медицинските сестри. Вели, се` поголем број луѓе не можат да купат здравствена заштита: „Медицинските сестри од сите делови на земјата дојдоа да дадат поддршка на движењето `Окупирај го Вол Стрит`. Вол стрит не` продаде. Вол стрит беше спасен, а ние завршивме на улица!“.

Како што демонстрациите продолжуваат да се шират и во други американски градови, неколку демократски членови на Конгресот им дадоа поддршка.

XS
SM
MD
LG