Линкови за пристапност

Документарец „Вториот живот“


Документарец „Вториот живот“

Документарец „Вториот живот“

Амалгам на реалноста и виртуелниот свет од режисерката Сандра Даниловиќ

Кога би можеле да правите се` што ќе посакате, што би направиле? Ова провокативно прашање го зачнува авангардниот кусометражен филм на македонската режисерка Сандра Даниловиќ, прикажан викендов на Македонскиот филмски фестивал во Торонто.

Режисерка, продуцентка и професорка на колеџ, а и иден докторант по информатика на Универзитетот во Торонто - амбициозната Сандра Даниловиќ веќе 26 години живее во канадската метропола.

Документарецот „Втор живот“ го истражува виртуелниот свет во видео-игрите.

„Решив целиот да го сликам во Секонд лајф. Toa e една виртуелна игра, он-лајн, во која може да се влезе и да се конструира еден аватар. Идејата ми беше да направам филм во виртуелниот свет“, вели младата режисерка.

Документарец „Вториот живот“

Документарец „Вториот живот“

Ние веќе живееме во еден виртуелен свет, резигнирана е Даниловиќ:

„Со тоа што комуницираме, со телефони, со мобилни, на Фејсбук, Твитер, преку и-мејл – тоа чини еден голем дел од нашиот живот. Тоа е еден вид на виртуелна живеачка. Игрите се само продолжување на виртуелниот свет во кој веќе се наоѓаме“.

Дека виртуелната реалност го освојува секојдневнието е непобитен факт, но за Даниловиќ е побитно прашањето како таа може да им помогне на луѓето во вистинскиот живот, особено на маргинализираните, отфрлените, неразбраните од општеството.

Документарец „Вториот живот“

Документарец „Вториот живот“

Филмот го снимала една година. „Вториот живот“ е прикажуван на фестивали во Сан Франциско, каде е награден е за најдобар документарен филм во категоријата „Нови медиуми“.

XS
SM
MD
LG