Американскиот секретар за одбрана Леон Панета е во Сеул, на последната станица од азиската турнеја на која ја подвлече определбата на САД да го одржат и зајакнат армиското присуство во регионот.
Говорот на секретарот пред американските војници стационирани во Јужна Кореја ги отслика истите ставови изнесени во неговата колумна објавена вчера во еден од главните јужнокорејски весници, во која Панета ја реафирмираше американската посветеност на јужнокорејската одбрана. Тој напиша дека армиите на САД и Јужна Кореја се подготвени да ја поразат Северна Кореја во случај да објави војна врз сојузниците.